Shefi i Stacionit të Pikës Kufitare Triport, 49-vjeçari nga Vlora me iniciale S.C është dhunuar në orët e parë të ditës së sotme nga persona ende të paidentifikuar nga policia.
Ka qenë vetë i dhunuari, i cili ka telefonuar në sallën operative të policisë ku ka raportuar për ngjarjen.
I dëmtuari është transportuar për ndihmë mjekësore në Spitalin Rajonal Vlorë, dhe aktualisht është jashtë rrezikut për jetën.
Policia thekson se punonjësi i rendit nuk ka qenë me shërbim. Nga hetimi paraprak i policisë ka rezultuar se ndaj S.C., është ushtruar dhunë fizike si edhe e kanë goditur me sende të forta, tre persona.
Policia bën me dije se grupi hetimor po vazhdon hetimet për zbardhjen e plotë të rrethanave të ngjarjes si edhe për identifikimin dhe kapjen e autorëve. /tesheshi.com/
