Presidenti amerikan Donald Trump shtroi mbrëmë një iftar në shtëpinë e Bardhë, dhe kjo është hera e dytë që bën një gjë të tillë.
Trump nisi fjalimin e tij duke thënë se “është një kohë shumë e vrazhdë” për muslimanët në mbarë botën. Ai përmendi sulmet ndaj muslimanëve në Zelandën e Re, ndaj të krishterëve në Sri Lanka, si dhe ndaj çifutëve në Pitsburg.
Darka e iftarit, e cila mbaron agjërim ditor për muslimanët anembanë botës, u mbush nga udhëheqës të ndryshëm diplomatikë, e ndër ta, e ftuar ishte edhe ambasadorja e Kosovës, Vlora Çitaku.
Kjo e fundit nuk njihet për dashamirësi ndaj muslimanëve, pasi hera-herës në ligjërimin e saj ka shigjetuar elementë socialë besimi. Megjithatë një ftesë nga Trump siduket ka prevaluar mbi ndjesitë afetare.
Ambasadorja Çitaku tha se ndau me Presidentin Amerikan përvojën e gjatë të Kosovës në tolerancë dhe bashkëjetesë mes besimeve fetare.
“Pata nderin dhe kënaqësinë e veçantë që në darkën e iftarit të shtruar në Shtëpinë e Bardhë të isha e ulur përkrah Presidentit të Shteteve të Bashkuara të Amerikës, Z. Donald J. Trump”, ka shkruar Çitaku në Facebook.
Iftarin zonja Çitaku e ka shfrytëzuar edhe për ta njoftuar presidentin për situatën politike në Kosovë, dhe madje nevojën që SHBA-të të përfshihen në zgjidhjen e proceseve nëpër të cilat po kalon Kosova. /tesheshi.com/
