Nga redaksia
Deputeti i Parlamentit të Serbisë nga Zubin Potoku, Vlladimir Milentijeviq, i preferuari i BE-së, i qeverisë së Prishtinës dhe asaj të Beogradit, e ndërtoi objektin shkollor ‘Jovan Cvejiq’vetëm sa për sy e faqe, ku përflitet se shumicën e parave të lëvruara nga Brukseli i futi në xhep. Rezultati: nxënësit vazhdojnë mësimin në objektin e vjetër.
Një burimi nga veriu i Kosovës i tha portalit tesheshi.com se punën në ndërtimin e objektit të shkollës fillore ‘Jovan Cvejiq’, është duke e kryer ndërmarrja ndërtimore ‘Kollashin’, pronar i së cilës është Vlladimir Milentieviq, dora vetë.
Por siç thotë ai, hajnia dhe pastrimi i parave dhe kësaj rradhe e bëri të vetën duke i lënë fëmijët që të ndjekin mësimet në objektin e vjetër.
Informohet gjithashtu se ekspertë të BE-së, pas kontrollit që i kanë bërë këtij objekti, kanë vlerësuar se ai nuk është ndërtuar sipas projektit, ndaj dhe paraqet rrezik për jetën e nxënësve.
“Lëshimet të mëdha sidomos janë bërë në ndërtimin e çatisë dhe për këtë arsye donatori në këtë rast, Fondi për Investimi i Bashkimit Evropian, nuk e ka pranuar teknikisht objektin, pasi që ka shumë lëshime duke anashkaluar projektin që është paraparë”, ka thënë burimi i portalit, duke shtuar se nxënësit nuk janë lejuar të hyjnë në këtë objekt pasi që kulmi është ndërtuar me material shumë të dobët dhe sipas eksperteve në çdo moment ai pritet të bjerë.
Sipas tij, punëkryesi duke dashur që të fitojë shumë në këtë punë, ka kursyer materialin, e sidomos hekurin dhe çimenton, e cila është cilësisë më të dobët.
Bashkimi Evropian nëpërmes fondit për investime, duke parë numrin e madhe të nxënësve në shkollën fillore ‘Jovan Cvejiq’, ka ndarë 300 mije euro për ndërtimin e objektit të ri e sallës së sporteve.
Për këtë arsye mbi 800 nxënës të Zubin Potokut edhe këtë vit shkollorëdo ta përfundojnë në objektin e vjetër.
Ndërkohë thuhet se zyrtarë të BE-së kanë rënë në hall të madh, jo vetëm me këtë objekt, por edhe me objekte të tjetra anë e kënd Kosovës të cilat kanë ngelur të pa përfunduara.
Kush është Vlladimir Milentijeviq
Ai konsiderohet se është i preferuar i Qeverisë së Prishtinë, Beogradit por edhe i BE-së.
Për vite me radhe ka qenë deputet i DSS-së- Partia e Vojisllav Kushtunicës në Parlamenti e Serbisë dhe është një ndër bashkëpunëtorët kryesor të politikanit më ekstremist serb në veri të Kosovës, Marko Jakshiqit.
Në kohën kur kryetar i Komunës së Zubin Potokut ka qenë Sllavisha Ristiq nga DSS-ja, të gjithë tenderat në këtë komunë të financuar nga qeveria e Serbisë dhe e Kosovës i ka marrë Milentijeviq, pasi kanë qenë bashkëpartiakë.
Ai duke punuar me dy qeveritë, i ka zhvatur ato duke bërë që familja e tij tani të jetë një ndër familjet më të kamura në veri e Kosovës, ku pasuria e tyre vlerësohet me miliona euro.
Përveç ndërmarrjes ndërtimore ‘Kollashin’, Milentijeviq ka në pronësi edhe furrën për prodhimin e bukës ‘Kollashin’, që prodhon për veriun e Kosovës por edhe për jugun e saj.
Për ndërtimin e furrës së bukës, qeveria e Serbisë i ka ndarë,Milentijeviqit 300 mijë euro pa kthim, ndërsa qeveria e Kosovës po ashtu pa kthim i ka dhënë për këtë qëllim edhe 500 mijë euro të tjera.
Portali tesheshi.com, ka tentuar të marr një prononcim nga udhëheqësit e arsimit në Zubin Potok, si dhe nga kompania mbikëqyrëse e kontraktuar nga BE-ja, por një gjë e tillë ka qenë e pamundur, pasi që për asnjë moment nuk i kanë hapur telefonat. /tesheshi.com/
