Papa Françesku dëshiron të vizitojë Ukrainën dhe të përpiqet t’i japë fund luftës pesëmujore që ai e ka dënuar vazhdimisht, raporton Reuters.
“Kam një dëshirë të madhe të shkoj në Kiev”, tha Papa Françesku i pyetur për një udhëtim të mundshëm të ardhshëm në Ukrainë.
Ai foli në avion me gazetarët që po udhëtonin me të nga Roma në Kanada.
Papa Françesku e ka dënuar vazhdimisht pushtimin rus të Ukrainës dhe në një intervistë me Reuters në fillim të korrikut, ai tha se shpreson të jetë në gjendje të udhëtojë në Moskë dhe Kiev së shpejti pas udhëtimit të tij në Kanada.
Pas intervistës, Kremlini tha se nuk kishte asnjë kontakt thelbësor me Vatikanin për një vizitë të mundshme, ndërsa Ukraina rinovoi ftesën për Papën që të vinte.
Papa Françesku ka nisur një vizitë historike gjashtë-ditore në Kanada, në të cilën ai do të kërkojë falje nga të mbijetuarit indigjenë të abuzimit në shkollat e mëparshme të konviktit të drejtuara nga katolikët. /tesheshi.com/
