Donald Trump mund të preferojë emigrantët nga Norvegjia dhe jo nga ato vende të cilat raportohet se ai i quajti “qenef”, si Haiti apo ato në Afrikë.
Por njerëzit në vendin nordik, të cilët vitin e kaluar e morën vlerësimin si “më të lumtur në tokë”, nuk kanë dëshirë të lëvizin në SHBA, sipas një raporti të televizionit norvegjez kombëtar.
“Absolutisht jo”, i tha një njeriu në Oslo, gazetarit Ronnie Baraldsnes nga TV 2.
“Nuk kam asnjë biznes atje”, shtoi një grua.
Baraldsnes gjeti një qytetare amerikane që jetonte në Norvegji dhe pyeti se pse e bëri këtë lëvizje, në drejtimin e kundërt.
“Burri im gjeti një punë këtu,” tha ajo.
Norvegjia, një nga vendet më të pasura në botë sipas GDP-së për kokë banori, është i njohur për mirëqenien e lartë, ku shteti financohet pjesërisht nga rezerva të mëdha të naftës dhe gazit natyror.
Referenca e Trump në Norvegji mund të jetë nxitur nga kryeministrja Erna Solberg, e cila vizitoi Shtëpinë e Bardhë të mërkurën, kur presidenti vlerësoi Norvegjinë për drejtimin e një deficiti tregtar me Shtetet e Bashkuara dhe për blerjen e pajisjeve ushtarake amerikane.
Një grua të cilën e intervistoi ai, tha se mund ta merrte në konsideratë ëndrrën amerikane, por vetëm me një kusht: “Nëse ata do të kenë një president të ri.”
“Jo, ndërsa ai është aty!” tha ajo, duke iu referuar Trump.
Christian Christensen, një profesor amerikan i gazetarisë në Universitetin e Stokholmit në Suedinë fqinjë, shkroi:
“Natyrisht që njerëzit nga Norvegjia nuk do të dëshironin të lëviznin në një vend ku njerëzit kanë më shumë gjasa të qëllohen, të jetojnë në varfëri, ku nuk do të marrin kujdes shëndetësor sepse janë të varfër, nuk marrin pushim prindëror të paguar ose asistencë sociale të subvencionuar dhe shohin më pak gra në forcën politike. #Shithole”. /tesheshi.com/
