Ndoshta për herë të parë, një status i kreut demokrat Basha, ka qenë i pastër, i kulluar mund të thuhet, nga çdo akuzë politike.
Madje aty përmendet me emër një rival politik, kreu i Bashkisë së Fierit, por pa u thënë asgjë kundër tij. Dhe kjo ka qenë arsyeja se pse Rama i dedikoi Bashës fjalë të zgjedhura vlerësuese në një status të fundit.
Ja se ç’shkroi Basha, duke prekur ndenjat e Ramës:
“Në Darzezë, në Fier, futja në fshat ishte e pamundur. Fshati i përmbytur ishte i izoluar nga shkatërrimi i rrugës. Transporti i banorëve bëhej me varka.
Përgëzova ushtarët që po punonin për rivendosjen e lidhjes mes zonës së permbytur dhe pjesës tjetër të Fierit.
Kryebashkiaku Armando Subashi më njohu me masat e marra për shpëtimin e njerëzve.
Tani që rreshjet treditore janë në minimum, është emergjente ndihma me ushqime, veshje dhe strehim për zonat e përmbytura.” /tesheshi.com/
