Sindikata e ekonomistëve të ndërtimit në Francë informon se deri më tani janë mbledhur 750 milion euro donacione për ridërtimin e katedrales së famshme Notre Dame, një shumë që ka tejkaluar vlerësimin paraprak prej 600 milionë euro, pa taksa, për ta kthyer dhe njëherë siç ishte.
Qëkur zjarri shkatërroi një pjesë të madhe të katedrales javën e kaluar, donacione për rindërtimin e saj kanë vërshuar nga e gjithë bota.
Ndërkohë, nuk kanë munguar zërat kritikë që mendojnë se paratë mund të shpenzohen më mirë diku tjetër.
Megjithatë, ata që mbledhin para vazhdojnë të ftojnë njerëzit që të vazhdojnë me donacione, dhe argumentimi i tyre është se ende nuk e dihet se sa para nevojiten për rindërtim.
“Nuk mund t’i themi njerëzve që të ndalojnë donacionet gjersa ende nuk e dimë se sa do të kushtojë”, tha Laurence Levy nga Fondacioni i Fondacionit Heritage, një institucion që mbron trashëgiminë kulturore franceze.
“Shpenzimet do të jenë të paktën 300 milionë euro, deri në 600 milionë euro, por ne kemi nevojë për dy ose tre muaj për të ditur se sa do të kushtojë e gjitha”, tha presidenti i sindikatës Pascal Asselin.
Meqenëse katedralja është në pronësi të shtetit, riparimi nuk mund të financohet me para nga siguracionet. /tesheshi.com/
