Dy liderë arabë, janë ata që kanë ndërmjetësuar shkëmbimin e dy burgosjeve mes SHBA-së dhe Rusisë. Është zbuluar kjo nga kryeministri Rama, i cili ka përcjellë falenderime ndaj njerëzve që udhëheqin Saudinë dhe Emiratet, për aktin e tyre të lartë diplomatik.
“UAE, Ministritë e Jashtme saudite njoftuan suksesin e ndërmjetësimit të udhëhequr nga Presidenti Lartësia e tij Sheikh Mohamed bin Zayed dhe Princi Mohammed bin Salman për lirimin dhe shkëmbimin e dy të burgosurve mes SHBA dhe Rusisë”, thuhet në komunikatën e Ministrisë Saudite, pas së cilës pasoi urimi i të parit të qeverisjes shqiptare.
“Thjesht fantastike! Chapeau (Bravo) për të dy këta liderë, të cilët po tregojnë me forcën e shembullit se fuqia e diplomacisë është e pafundme dhe fryma e paqes dhe bashkëpunimit midis kombeve duhet të na udhëheqë gjithmonë edhe kur të gjitha rrugët duken të mbyllura”, shkruan Rama.
Marrëveshja i referohet shkëmbimit të të burgosurve mes Amerikës dhe Rusisë, për basketbollisten amerikane Brittney Griner me tregtarin famëkeq të armëve Viktor Bout. /tesheshi.com/
