Për herë të parë, ka mbërritur një vlerësim i drejtpëdrejtë mbi organet e vettingut, aq shumë të kontestuar nga disa zëra në Shqipëri, mediatikë e politikë.
Ka qenë Komisioneri i BE-së për zgjerim Oliver Varhelyi që tha se këto organe po bëjnë një punë të rëndësishme, e se për ta ka një vlerësim të lartë në Bruksel.
“Unë shkova të vizitoja dhe anëtarët e ndryshëm të organeve të vettingut. E gjithë kjo punë, vettingu, vlerësimi i gjyqtarëve dhe prokurorëve është kyç në mënyrë që Shqipëria të ecë përpara dhe të organizohet konferenca e parë ndërqeveritare dhe të angazhohemi më tej me negociatat e anëtarësimit. Po bëjnë një punë shumë të rëndësishme.
Ata nuk e dinë se sa të famshëm janë jashtë Tiranës pasi ne i përdorim gjithmonë si standart për t’i krahasuar me të tjerët“, tha Varhelyi.
Kujtojmë se procesi i vettingut monitorohet nga afër nga përfasqësues të huaj, ku më i njohuri është Teo Jacobs. /tesheshi.com/
