Nga Blendi Gashi
Ndërsa shumica e qytetarëve të Kosovës jetojnë në gjendje të mjerueshme ekonomike dhe një pjesë e tyre nuk kanë as buk për të ngrënë, ministrat e kabinetit qeveritar “Mustafa”, posedojnë vetura tejet të shtrenjta, deri në vlerë afër 40 mijë euro.
Në deklarimin e pasurisë për vitin 2016-të disa nga minsitrat kosovarë kanë ndërruar veturat duke larguar ato të “vjetrat” dhe sigurisht duke i zëvendësuar me vetura të modeleve të reja dhe super të shtrenjta.
Por, problem qëndron se shumica e ministrave për të mos thënë të gjithë nuk japin arsye bindëse se nga i kanë marrë parat për të blerë vetura luksoze, derisa deklarojnë paga mujore diç më shumë se 1 mijë euro që është vështirë të blihen vetura të tilla me page të tillë kur kihet parasysh fakti se duhet mbuluar shpenzimet mujore familjare.
Portali mbarëkombëtar tesheshi.com para dy ditësh publikoi veturat e kryetarëve të komunave të Kosovës të cilët poashtu posedojnë vetura supet të shtrenjta, por që dallohet larg nga të tjerët Bratislav Nikoliçi, kryetar i komunës së Shtërpcës me veturë në vlerë marrmamendëse 79.500 euro.
Edhe pse ministrat kosovarë siç deklaruam më lartë kanë në pronësi vetura tepër të shtrenjta asnjëri prej tyre nuk mund t’ia kalojë Nikoliçit të Shtërpcës.
Ministri i Punëve të Brendshme Skënder Hyseni posedon veturën më të shtrenjtë nga të gjithë kolegët e tij ministra, në vlerë 39 mijë euro.
Pas tij renditet, ministri i Integrimeve Evropiane, Bekim Çollaku me dy vetura personale në vlerë 32400 euro.
I treti është ministri i Diasporës Valon Murati me veturë në vlerë 19 mijë euro, i katërti ministri i Infrastrukturës Lutfi Zharku i cili ka në pronësi veturë në vlerë 17.800 eur, kurse pesëshen e mbyll ministri i Drejtësisë Hajredin Kuçi me veturë në vlerë 15 mijë euro.
Ndërkaq, veturë nuk ka deklaruar të ketë ministri i Bujqësisë Memli Krasniqi, të cilit siç dihet muaj më parë i është djegur vetura gjatë muajve të krizës politike.
Ministri Bekim Çollaku, dy vetura në pronësi në vlerë 32.400 euro
Skender Hyseni, ka në pronësi veturë të tipit Audi në vlerë hiç më pak se 39 mijë euro të cilën thotë se e ka blerë në vitin 2012 me paratë që ka kursyer.
Bekim Çollaku, ministër i Integrimeve Evropiane ka në pronësi të tij dy vetura të shtrenjta të blear në vitin 2013. Njërën në vlerë prej 16.900 euro dhe tjetrën në vlerë 15500 euro (të blera me kursime personale).
Valon Murati, ministër i Diasporës posedon veturë të tipit Passat në vlerë 19 mijë euro të cilën e ka blerë në vitin 2015.
Lutfi Zharku, posedon veturë të tipit Mercedes ML320 në vlerë 17.800 euro të cilën e ka blerë në vitin 2012.
Hajredin Kuçi, ministër i Drejtësisë ka deklaruar dy vetura, njërën në vlerë 15 mijë euro në pronësi të tij të cilën thotë se e ka blerë në vitin 2014, nga ndërrimi me veturën paraprake (nuk ka treguar llojin e veturës) dhe nga marrja e kredisë, dhe një veturë tjetër në pronësi të bashkëshortes në vlerë 7500 euro poashtu të vlerë më 2014, të cilën thotë se e ka blerë me paratë që ka ndërruar veturën paraprake dhe kursimet.
Ljubomir Mariç, ka deklaruar dy vetura, njërën në pronësi të vetën në vlerë 10 mijë euro të cilën thotë se e ka blerë në vitin 2013 dhe një veturë në emër të gruas në vlerë 7 mijë euro të cilën e ka blerë në vitin 2010.
Hikmete Bajrami, minister e Tregtisë dhe Industrisë, ka deklaruar në AKK veturë të tipit Mercedes E320 në vlerë 9500 euro të cilën thotë se e ka blerë nga shitja e veturës paraprake Golf VI.
Imet Rrahmani, ministër i Shëndetësisë ka deklaruar dy vetura, njërën në pronësi të tij të tipit Mercedes E Class 2006 të blerë po në këtë vit në vlerë 7 mijë euro (me vetfinancim), dhe një veturë të tipit Golf në pronësi të gruas në vlerë 3500 euro të blerë në vitin 2012 (me vetfinancim).
Mahir Yagxhilar, ministër i Administratës Publike posedon veturë Renault Modus në vlerë 6 mijë euro të cilët e ka blerë në vitin 2012.
Avdullah Hoti, ministër i Ekonomisë dhe Financave ka deklaruar se posedon veturë modeste të tipit Opel Vectra në vlerë 5800 të blerë në vitin 2005.
Haki Demolli, ministër i Forcës së Sigurisë së Kosovës poashtu ka deklaruar një veturë të tipit Opel Zafira, jo aq të shtrenjtë në vlerë 5 mijë euro, të blerë në vitin 2010.
Blerand Stavileci, ministër i Zhvillimit Ekonomik ka në pronësi një veturë modeste të tipit Opel Astra në vlerë 5 mijë euro të blerë në vitin 2010 me kredi.
Kujtim Shala, ministër i Kulturës ka deklaruar 3 vetura, një në pronësi të tij në vlerë 4500 euro të blerë më 2009, dhe dy vetura të tjera në pronësi të prindit, njërën në vlerë 5 mijë euro të blerë në vitin 2013 dhe një veturë tjetër në vlerë 2 mijë euro të blerë në vitin 2008.
Arban Abrashi, ministër i Punës posedon veturë në vlerë 4500 euro të cilën thotë se e ka blerë në vitin 2007 nga të ardhurat e pagës mujore.
Memli Krasniqi, ministër i Bujqësisë nuk ka deklaruar të ketë veturë në deklarimin që ka bërë në AKK. (Ministrit Krasniqi muaj më parë gjatë krizës politike iu kishte djegur vetura që e kishte në pronësi të bashkëshortes)
Arsim Bajrami, ministër i Arsimit nuk e ka deklaruar pasurinë në AKK andaj nuk dihet çfarë veture posedon.
Ferid Agani, ministër i Mjedisit nuk e ka deklaruar pasurinë në AKK, andaj nuk dihet se çfarë veture private ka në pronësi. /tesheshi.com/
