Në një prej sulmeve më vdekjeprurëse të ISIS në vitin 2016, janë vrarë më shumë se 200 persona vetëm gjatë një dite në Bagdad.
Kamioni i mbushur me eksploziv ka shpërthyer në një treg, në lagjen me popullatë Shiite.
Por, pas këtij sulmi nuk janë ndërruar fotografitë e profilit në rrjetet sociale, siç është vepruar pas sulmeve në Paris apo Bruksel.
“Atëherë, a jemi ne solidar me Irakun? A ka vendosur dikush flamurin në fotografi të profilit? A është aktivizuar opsioni Safety Check për Bagdadin në Facebook?”, ka pyetur përdoruesi i Facebook-ut, James Troup.
Opsioni Safety Check ju shërben personave të cilët ndodhen afër vendit të sulmit, që të njoftojnë tjerët se janë të sigurt.
Benjamin L. Tayler ka shkruar: “Më intereson të di se a do të ndriçohet Empire State Building me tri ngjyrat e flamurit të Irakut në fotografinë e profilit? Ndoshta vetëm kur krimet kryhen në vende të Evropës”.
Gjatë një sulmi tjetër me eksploziv, në të njëjtën ditë janë vrarë pesë njerëz në Bagdad.
Shfrytëzuesit e rrjeteve sociale kanë bërë vërejtje të ngjashme edhe pas sulmeve në Stamboll.
“A vlen jeta e perëndimorëve më shumë se jeta e tjerëve?” – pyet në fund Al Jazeera. /tesheshi.com/
