Ambasadorja e Bashkimit Europian në vendin tonë, Romana Vlahutin ka thënë se Shqipëria ka humbur shumë shanse për ndërtimin e shtetit. Duke folur sot në mbledhjen e Këshillit Kombëtar të Integrimit, ajo deklaroi se reforma në drejtësi duhet të miratohet sa më parë.
“Shpresoj që reforma në drejtësi të miratohet së shpejtë. Shqipëria ka një mundësi për të çeljen e negociatave me BE. Keni humbur shumë shanse. Ne jemi këtu për t’ju mbështetur, jemi me të vërtetë të interesuar për Shqipërinë. Nuk do të heqim dorë, nuk do të lodhemi dhe nuk do të humbasim durimin”, u shpreh Vlahutin, duke shtuar se i takon politikës shqiptare ta kurorëzojë reformën.
Vlahutin u shpreh se procesi i anëtarësimit në BE është një proces politik, por ka çaste kur duhet larguar nga vendimet politike. Sipas saj, suksesi i saj ka të bëjë me politikat e shëndetshme, reformat e thella të cilat disa prej tyre nuk kanë të bëjnë me pjesën politike, duke nënvizuar se për politikat e shëndetshëm duhen dije, njohuri dhe dialog. /tesheshi.com/
