Në një deklaratë lidhur me atë që po ndodh në Kakavijë nga radhët e gjata prej testeve COVID në palën greke, PD thotë se kjo vjen nga braktisja e qytetarëve nga qeveria.
“Është e pafalshme që qeveria lejoi krijimin e radhëve të gjata, dhe nuk informoi qytetarët në kohë.
Është në përgjegjësinë e qeverisë që Shqipëria u shndërrua në zonë të kuqe COVID, pasojë e të cilës është edhe kjo krizë humanitare në kufi.
Kjo krizë nuk zgjidhet me propagandë në rrjetet sociale”, thuhet në deklaratë.
Për opozitën, “zgjidhja e krizës humanitare kërkon angazhimin në nivelet më të larta të qeverisë dhe komunikim të vazhdueshëm me qytetarët shqiptarë. Njerëzit meritojnë të trajtohen me dinjitet nga shteti i tyre.” /tesheshi.com/
