Ushtruesja e detyrës së Presidentit të Kosovës, Vjosa Osmani, ka tronditur skenën politike kosovare me një paralajëmrim të saj ndaj KQZ që, si kryetare e shtetit, ndonëse “në detyrë”, ajo dhe mund ta shkrijë institucionin kryesor të zgjedhjeve, nëse, siç pretendon ajo, cenohet integriteti i KQZ, nga vetë KQZ.
E gjitha ka të bëjë me faktin se, ky institucion, i drejtuar nga Valdete Daka, nuk mund po çertifikon disa emra kandidatësh, të cilët, sipas Gjykatës Kushtetuese të Kosovës, kanë dënime tre vitet e fundit dhe s’u lejohet kandidimi. Mes tyre është dhe kandidati i Vetëvendosjes për kryeministër, Albin Kurti, me të cilin Osmani ka krijuar një aleancë zgjedhore në kuadër të 14 shkurtit.
“Ajo çfarë ka ngjarë dje e ka lënduar procesin zgjedhor dhe integritetin e KQZ-së. Por e kemi me çdo kusht që ta shpëtojmë këtë proces. Prandaj në asnjë moment e një asnjë mënyrë nuk duhet të lejojmë që të biem në kurthet që ndërtohen, me qëllim që ky proces të parandalohet dhe të stërzgjatet”, ka thënë Osmani në një shënim të FB.
Sipas, saj, KQZ ka agjendë politike, duke aluduar në eliminimin e Albin Kurtit nga kandidimi, të cilin e kap lista e 47 emrave referuar nga Gjykata Kushtetuese, duke e ashpërsuar gjuhën deri në kërcënim.
“Në rast se ballafaqohemi sërish me situata të tilla sikur ajo e djeshmja, ku abuzohet me KQZ-në si institucion i pavarur për të shtyrë përpara agjenda partiake si dhe forum ku ushtrohet presion mbi shërbyesit civilë do të detyrohem të ndërmarr të gjitha masat për mbrojtjen e integritetit të KQZ-së dhe këtij procesi zgjedhor, ashtu siç e parasheh ligji për zgjedhjet dhe ashtu siç më detyron kushtetuta e vendit”, ka thënë Osmani. /tesheshi.com/
