Kandidatja për kryeministre nga radhët e LDK-së, Vjosa Osmani ka vijuar fushatën me stilin e saj ligjërues patetik, ku nga Prizreni tha: “Mesazhi ynë nuk është retorikë, mesazhi ynë buron nga thellësia e zemrës të secilit qytetar, buron nga trishtimi i nënës, dëshpërimi i secilit të ri dhe ai mesazh është që shtetin e kapur nga partitë në pushtet t’ia kthejmë qytetarëve dhe pikë. T’ua kthejmë juve përfundimisht”, tha Osmani, një narrativë që në politikën e Tiranës haset te kreu demokrat Basha..

“Mbajeni mend një gjë, e në veçanti ju nëna, ju vajza, nuk ka qenie më të fortë se sa një nënë, nuk ka. Këtë e di secili që s’ka më të fortë se nënat”, tha ajo.

Më konkrete, Osmani qe teksa premtoi ruajtjen e miqve ndërkombëtarë, kur tha: “Ne përballemi me mend, me dije. Ne e kemi qëndrueshmërinë se lufta jonë me Serbinë është fituar me mençuri dhe miqtë. E ata miq mund t’i mbajmë vetëm ne, e kemi dëshmuar në vitet e 90-ta dhe do të dëshmojmë sërish”. /tesheshi.com/