Vjosa Osmani pasi nuk mori votat e mjaftueshme për kandidaturën e saj për kryetare të LDK-së, ajo e ka lëshuar mbledhjen e Kuvendit të VIII të LDK-së dhe ka thënë se nuk e konsideron si kryetar legjitim Isa Mustafën.
“Kandidatura e Isa Mustafës u aprovua me aklamacion, kërkuan që të miratohet vetëm kandidatura e Mustafës e kandidatura ime u mohua. Kam pritur që me votim të fshehtë të zgjedhën kandidatët. Nuk mu lejua të jem kandidate. Tani kemi një tentim komplet anti-statutar që të shkohet vetëm me një kandidat. Tentimi ishte të eliminohet çdo kandidat tjetër dhe të shkohet veç me Isa Mustafën. Sot shkuan më votim një nga një në mënyrë që të eliminohet kandidatura ime. Nuk e konsideroj kryetar legjitim të LDK-së. Është turp i madh që edhe familjet më të dalluara të LDK-së të mos lejohen të hyjnë brenda. Por unë do të vazhdojë të jem anëtare e devotshme e LDK-së”, ka thënë Osmani.
