Çdo njeri që aspiron të qeverisë Kosovën, nëse ndodhet në Mitrovicë, kryesorja që duhet të trajton elektoratit të atyshëm duhet të jetë e ardhmja e qytetit të ndarë, ajo se çfarë do të bëhet me Veriun “rebel”, por një ndër ta, Vjosa Osmani, kandidate e LDK-së për kryeministre në zgjedhjet e 6 tetorit, thjesht ka bërë populisten në ligjërimin e saj, më saktë patetiken në politikë, duke ofruar një ligjërim të ngjashëm me atë të Bashës në Shqipëri.
Ajo iu drejtua mitrovicarëve në një tubim, duke u thënë se shteti u duhet kthyer qytetarëve, një tezë që nuk shoqërohet nga asnjë konkretizëm politik, pra se çdo të thotë t’u kthehet qytetarëve.
“Kam ardhur t’ju them një porosi këtu në Mitrovicë e gjithandej. Ky vend dhe kjo republikë është e qytetarëve dhe pikë.
Ky shtet nuk është i asnjë politikani, i asnjë partie politike, e as i Vjosa Osmanit, nuk është as i LDK-së. Ky vend, ky shtet, pra Mitrovica dhe republika jonë Kosova, është e juaja dhe vetëm e juaja. Ta kemi një detyrë kryesore, një detyrë, një e kemi, që shtetin e kapur nga partitë në pushtet t’ua kthejmë juve përfundimisht.
Dhe në këtë detyrë të dashur bashkëvendës të jeni të sigurtë dhe mbajeni në mend, nuk ka askush dhe asgjë që na ndalë pos vdekjes”, theksoi Osmani, duke i dhënë pra fjalëve të saj dhe një karakter dramatik me përmendjen e vdekjes. /tesheshi.com/
