Kandidatja e LDK-së për kryeministre në zgjedhjet e 6 tetorit, Vjosa Osmani është deklaruar për postet që potencialisht mund t’i mbajë në Qeverinë e re.
Osmani theksoi se do të respektohet vullneti i qytetarëve që kryeministër të jetë Albin Kurti, kurse sa i përket posteve të tjera, ajo tha se ende nuk janë diskutuar këto detaje.
Në një intervistë në Opinion të TV Klan, ajo përmendi Kuvendin dhe Ministrinë e Punëve të Jashtme. “Unë personalisht, do të shoh, akoma nuk kam vendosur për këtë temë. Do të jetë vendimi i imi natyrisht në konsultim me partinë që përfaqësoj dhe unë do të jem aty ku t’i shërbej vendit tim më së miri. Qoftë në krye të Kuvendit qoftë në krye të politikës së jashtme. Megjithatë unë nuk e kam marrë këtë vendim”. Po ashtu ajo pranoi se posti i Presidentit të ardhshëm të Kosovës do t’i jepet LDK-së, ndërsa ende nuk është folur për emra. /tesheshi.com/
