Disa javë më parë, kryeministri Edi Rama, gjatë një takimi me drejtues të Policisë së Shtetit, deklaroi nisjen e aksionit kundër aseteve të krimit dhe makinave luksoze. Pas kësaj policia nisi operacionin e koduar “Vjeshtë 2017”, duke pasur në objektiv të gjitha automjetet luksoze, që qarkullonin lirshëm në rrugët e qyteteve shqiptare.
Gjatë ditës së sotme, policia raportoi bllokimin e 4 automjeteve, audi dhe mercedez, vlera e të cilave sipas uniformave blu shkon në të paktën 1 milionë euro. Mjetet u bllokuan nën dyshimin se ato janë të trafikuara, ndërsa pronarëve të tyre i duhet të provojnë blerjen dhe burimin e të ardhurave.
Policia e Tiranës thotë se “materialet procedurale i kaluan Prokurorisë pranë Gjykatës së Shkallës së parë Tiranë për veprën penale “Trafikim i mjeteve motorike” dhe “Pastrim produktesh të veprës penale. /tesheshi.com/
