Pas urimit të Merkelit dhe Erdoganit ka ardhur dhe urimi nga presidenti i Kosovës, Hashim Thaçi, për fitoren e Edi Ramës.
Thaç e ka uruar kryeministrin e Shqipërisë Edi Rama për fitoren në zgjedhjet e 25 qershorit duke e cilësuar një fitore për Shqipërinë.
Një fakt të tillë e ka bërë me dije Thaçi në një postim në fb, ku nënvizon se përtej garës partiake, mbarëvajtja e zgjedhjeve të lira dhe demokratike ishte një fitore për Shqipërinë dhe qytetarët e saj.
Postimi i Thaçit:
“Sot urova Kryetarin e Partisë Socialiste të Shqipërisë dhe mikun tim, Edi Ramën, për fitoren në zgjedhjet e 25 qershorit.
Përtej garës partiake, mbarëvajtja e zgjedhjeve të lira dhe demokratike ishte një fitore për Shqipërinë dhe qytetarët e saj.
Prandaj, uroj të gjitha institucionet shtetërore të Shqipërisë për suksesin e arritur dhe jam i sigurt se bashkëpunimi vëllazëror dhe institucional me Shqipërinë do të intensifikohet edhe më shumë.”/tesheshi.com/
