Manchester City – Leicester City është kryendeshja në kampionatin anglez. Miqtë kryesojnë habitshëm kampionatin, ndërsa vendasit kërkojnë të fitojnë titullin për t’i bërë një mbyllje të mirë aventurës së Pellegrini-t.
Një fitore e Leicester-it do ta shkëpuste me gjashtë pikë ekipin surprizë, ndërsa çdo rezultat tjetër do të nënkuptonte vazhdimin e ëndrrës për të.
Claudio Ranieri, 65-vjeçari roman që drejton Leicester-in, ka shëtitur në shumë skuadra, por duket se kulmin e karrierës do ta ketë me këtë ekip modest.
Te Manchester City nuk ka ndryshuar asgjë që prej njoftimit se në sezonin tjetër do të mbërrijë Guardiola, dhe kërkimi i fitores është objektivi më i arsyeshëm për një prej ekipeve më të suksesshme në Angli të viteve të fundit.
Kjo sfidë nis sot në orën 13:45 në “Etihad Stadium”, dhe atë do ta drejtojë gjyqtari Anthony Taylor.
Java, po ashtu si nisjen, ka dhe mbylljen. Pasditen e së dielës, në 17:00, Chelsea pret Manchester United-in, në një tjetër përballje të shumëpritur. /tesheshi.com/
