Pas një kohe të gjatë ka ardhur një njohje e re për Kosovën. Ministri i Jashtëm Enver Hoxhaj ka njoftuar se ka marrë konfirmin e njohjes nga Bangladeshi.
“Një lajm tjetër i mirë. Bangladeshi njeh pavarësinë e Kosovës. Lajmi më është konfirmuar para disa orësh edhe zyrtarisht. Kanë qenë vite përpjekjesh për të lobuar dhe marrë këtë njohje. Tani kemi 114 njohje”, ka shkruar Enver Hoxhaj në Facebook.
Lajmin për njohjen e Kosovës e konfirmoi gjatë zhvillimit të seancës edhe nënkryetari i Kuvendit, Xhavit Haliti., ku i bëri deputetët të gëzohet dhe të duartrokasin.
Bangladeshi, një vend aziatik me afër 170 milion banorë, është shtet i pavarur që nga vitit 1971, kur u nda nga Pakistani.
Edhe Pakistani e ka njohur pavarësinë e Kosovës. /tesheshi.com/
