I vjen në majë të hundës nga premtimet boshe, sulmon kryetarin e komunës me sëpatë
Një qytetar i revoltuar nga qytetit i Sveti Nikollës mëngjesin e sotëm ka tentuar me sëpatë në dorë të futet në zyrën e kryetarit të këtij qyteti.
Bëhet fjalë për një njeri i moshës 47-vjeçare, i cili i mërzitur nga premtimet boshe, kishte vendosur që mllefin ndaj kryetarit ta nxirrte me sëpatën e tij.
Mirëpo gjatë tentimit për të kryer aktin, i cili mund të ishte me përfundim fatal, 47-vjeçari është penguar nga reagimi i shpejtë i sigurimit të komunës. Megjithatë drama nuk ka përfunduar me kaq, pasi në pamundësi që të sulmonte kryetarin e kësaj komune, edhe më shumë i mbushur me mllef, qytetari ka thyer sende në ambientet e komunës.
Mësohet se dikush nga punonjësit e komunës, i frikësuar për pasojat nga ky sulm ka informuar organet e rendit, policinë. Me të arritur policia e ka arrestuar sulmuesin dhe e ka dërguar në stacionin policor, ku pritet të merret në pyetje.
Deri tani policia në bashkëpunim me komunën nuk jep informacione rreth ndjekjes, por informojnë se janë duke e shqyrtuar rastin. /tesheshi.com/
