Një qytet i vogël në veri të Italisë po feston ardhjen në jetë të foshnjës së parë, prej vitit 1987. Në Ostana, qytezën malore, në provincën e Kuneos në Itali jetojnë vetëm 74 banorë.
Siç shkruan gazeta italiane “La Stampa” Pablo, djali i Hose-s dhe Silvias lindi në një spital të Torinos, javën e kaluar. Kryebashkiaku i Ostana-s, Xhiakomo Lombardo tha se “Me Pablon, ëndrra e komunitetit të vogël u shndërrua në realitet, pasi popullsia ishte tkurrur këto 20 vitet e fundit”.
Autoritetet në Ostana po përpiqen të ndryshojnë tendencën e deritanishme të shpopullimit, me krijimin e vendeve të reja të punës.
Prindërit e Pablos, spanjolli Hose dhe Silvia kishin planifikuar të largoheshin pesë vjet më parë, por vendosën të qëndrojnë, kur iu ofrua menaxhimi i pike për alpinistët./tesheshi.com/
