SPAK regjistron goditjen më të rëndë që nga themelimi si gjykatë e posaçme, duke nisur kështu të përligjë dhe paralajmërimet amerikane për efikasitetin e pritshëm të saj. Kështu, me urdhër nga SPAK është arrestuar e shumënjohura gjykatëse e Krujës Enkelejda Hoxha, emri i së cilës lidhet me lirimin prej saj të disa emrave famëkëqinj të krimit.
Raportohet se SPAK ka arrestuar dhe shoqëruar gjithashtu dhjetëra persona në Gjykatën e Krujës, mes tyre krye sekretaren Ela Mallkuçi dhe avokati Aldo Tabaku.
Ndërkohë, gjyqtarja Enkelejda Hoxha ishte dhe në procedim nga ILD për t’u shkarkuar.
Kujtojmë se ndër në të bujshmet vendime të gjyqtarës Enkeleida Hoxha, janë ato për lirimin e ish-numrit dy të bandës së Durrësit Endrit Dokle, të Ilir Pajës, të cilit i kishte mbetur mbi një vit dënim, si dhe për heqjen e dënimit “përjetë” ndaj Genc Tafilit, i dënuar për vrasjen e komisarit të Policisë Arben Zylyftari. /tesheshi.com/
