Samsung-u pasuron gamën e produkteve e konvertueshëm 2 në 1 me Windows 10. Produkti më i ri quhet Galaxy TabPro S Gold Edition, i cili fuqizon më tej gamën e tabletëve Galaxy që thyen tabunë dhe instaluan një sistem operativ Windows.
Gold Edition është një model ndryshe, më i përparuar: duke filluar nga një ekran AMOLED prej 12 inç me rezolucion 2160×1440 piksel. Një proçesor Intel Core M3 prej 2.2 GHz, 8GB Ram dhe 256GB hard disk. Është një pajisje në gjendje të kënaqë nevojat për punë dhe zbavitje.
Por Galaxy TabPro S është një pajisje e menduar edhe për transportim të lehtë. Peshon vetëm 700 gram. Është i pajisur me një tastierë që shërben edhe si mbrojtëse, e cila lidhet me anë të një magneti që e mban fort tabletin. Për ata që e duan përdorimin e lapsit vjen edhe TabPro Pen, por që nuk ofrohet bashkë me pajisjen.
Ka një portë të fuqishme USB-C për karikim, dy porta USB-A dhe një dalje HDMI për t’u lidhur me monitorë të jashtëm me rezolucion 4K. Çmimi nuk dihet akoma. /tesheshi.com/
