Një tjetër “Aylan” është shfaqur në rrjetet sociale, ai i një fëmije sirian që është shtrirë dhe po fle mes dy varreve, ku në to prehen pikërisht prindërit e tij të vrarë nga luftimet.
Nuk dihet ende nëse ajo çfarë shfaqet në foto është diçka e vërtetë apo një sajesë artistike me funksion apeli e ndërgjegjësimi për tragjedinë e Sirisë, pasi ende nuk ka të dhëna konkrete, siç në rastin e Aylian Kurdi, fëmijës që u gjet i mbytur në brigjet turke dhe bëri xhiron e botës me dramën që përcillte.
Dhe fotoja, çfarëdo qoftë, e vërtetë apo sajesë, padyshim që përbën një “Aylan” nr.2 në dramën që bart.
Sepse, fëmijë të mbetur jetimë me të dy prindërit e vdekur, është tashmë diçka e zakonshme për realitetin e Sirisë.
E zakonshme deri në tragjizëm. /tesheshi.com/
