Vjen ajo pritej për Gjicin lapërdhar

Ka ardhur ajo që pritej për Safet Gjicin: arrestimi nga SPAK. Njeriu që me gjuhë popullore “ia morri Zoti fytyrën” duke e nxjerrë në publik ashtu siç kurrë nuk do e kishte imagjinuar, as në ëndrrën më të keqe, tashmë do ketë telashe të tjera, ato të ballafaqimit me drejtësinë, që sigurisht janë hiçgjë në raport me faktin se skenat që publiku ka parë në publik me të, në zyrën e tij. Ato realisht janë vdekja e tij, ndonëse fizikisht në jetë, tashmë dhe pas hekurave.

Gjici, kryebashkiak i Kukësit, që po me gjuhë populli kish kthyer zyrën e shtetit në kuplara, i duhet të përballet me drejtësinë për shkeljet e tij me referencë ligjore në rastin e kryerjeve të marrëdhënieve seksuale në vendin e punës, duke efektuar më pas kjo te gadishmëria për dhënien e një tenderi te ajo e cila shfryu epshet. Kjo e fundit, Alma K., do jetë në arrest shtëpie.

Veç Gjicit do hetohet dhe ajo, femra që ka futur në kurth kryebashkiakun epsharak e të papërgjegjshëm, e cila dyshohet se e kryen një shërbim të tillë në interes të grupeve të caktuara, politike ose kriminale. /tesheshi.com/