Policia spanjolle ka sekuestruar 74 ton ullinj të vjedhur në provincën jugore të Seviljes, në grabitjen e fundit të këtij agrumi, mes një rritje të mprehtë të çmimeve për shkak të një reduktimi të prodhimit.
Dymbëdhjetë persona janë arrestuar në qytetin e Pilasit për përfshirjen e tyre të dyshuar në vjedhjen dhe trafikimin e ullinjve, njoftoi policia spanjolle.
Spanja është prodhuesi më i madh i ullinjve dhe vajit të ullirit në botë. Valët e të nxehtit dhe një thatësirë e madhe kanë bërë që prodhimi të bjerë, duke rritur çmimet. Një korrje e reduktuar në mënyrë të ngjashme pritet në vitin 2024, sipas vlerësimeve.
Policia ka zbuluar edhe vjedhje të vajit të ullirit.
Rreth 6000 litra vaj ulliri ekstra të virgjër u vodhën në fund të shtatorit nga kompania e prodhimit të vajit të ullirit Terraverne, e cila operon në Tempa, një fshat i vogël në provincën e Malaga-s dhe i specializuar në prodhimin e vajit të ullirit me cilësi të lartë.
Vaji i ullirit tashmë ishte mbushur në shishe për t’u dërguar te klientët, tha zëdhënësja Laura Larubia Nogales.
“Me çmimet që ka arritur vaji i ullirit, vjedhja e vajit tashmë është si të vjedhësh bizhuteri”, theksoi ajo në një intervistë telefonike.
“Ishte grabitja e parë e tillë”, shtoi më tej.
Hajdutët kanë çaktivizuar kamerat e sigurisë dhe kanë kryer grabitjen në mes të natës, duke shkaktuar dëme të konsiderueshme.
Kompania ka marrë masa të shtuara sigurie, duke vendosur më shumë alarme dhe kamera rrethuese. Policia po kryente patrulla të natës pranë vendit të ngjarjes, shtoi Larubia Nogales.
Rreth 50,000 litra vaj ulliri u vodhën nga Marín Serrano el Lagar, një fabrikë ulliri në Carcavuí, Kordoba, disa ditë më vonë.
Dcoop, kooperativa më e madhe e vajit të ullirit në Spanjë dhe prodhuesi i dytë më i madh i vajit të ullirit në vend, tha se asnjë nga fabrikat e saj nuk ishte grabitur.
Por “ajo që është e qartë është se çmimet rrisin tundimin,” i tha Dcoop Reuters. /tesheshi.com/
