Një person, foton e të cilit policia e ka konsideruar si dëshmi e personit që grabiti bankën një ditë më parë në kryqëzimin e 21-shit në Tiranë, ka shkuar vetë në polici për të dëshmuar se nuk është ai grabitësi.
I ndjerë keq kur ka parë veten në foto, ai u ka thënë autoriteteve policore të Tiranës se nuk ka asnjë lidhje me grabitjen e bankës.
“Unë nuk kam asnjë lidhje me grabitjen e bankës. Në mëngjes kam bërë disa veprime në bankomatin para bankës”, mësohet të ketë thënë ai.
Pamjet e tij janë marrë nga kamerat e sigurisë, por ndryshe nga ç’ndodh në të tilla raste, personi i dyshuar nuk ka qenë fare i maskuar. Madje ky fakt e rrëzon versionin e policisë mbi “personin e identifikuar”, pasi gati e pamundur të ndodhë që një grabitje mu në mes të ditës dhe mu në qendër të Tiranës, të ndodhë nga njerëz të pamaskuar. /tesheshi.com/
