Nëna e “mbretit të drogës”, Joaquin “El Chapo” Guzman, tha se Ambasada e SHBA-së në Mexico City i dha asaj një vizë në mënyrë që ajo të mund ta vizitonte djalin e saj në burg.
E ulur në një karrocë përpara ambasadës, Consuelo Loera tha se asaj dhe dy bijave iu miratuan vizat për të udhëtuar në Shtetet e Bashkuara.
“Lavdi Zotit, Ambasada e SHBA-së më dha leje”, tha ajo me një zë të dobët ndërsa ishte i rrethuar nga një numër gazetarësh:
Zonja Loera, tashmë 91-vjeçare, tha se nuk e ka parë djalin e saj për më shumë se katër vjet. Ajo shtoi se ajo ende nuk ka vendosur një datë për udhëtimin e saj. Një zyrtar amerikan refuzoi të konfirmonte nëse viza i ishte dhënë nga autoritetet e SHBA-ve apo jo.
“El Chapo”, i cili udhëhoqi kartelin e drogës Sinaloa, u arratis dy herë nga burgjet meksikane para se të ekstradohej në Nju Jork. Aty u dënua për kryerjen e një operacioneve të kontrabandës në shkallë industriale.
Gjyqi tre-mujor shpalosi rrëfime të ashpra vrasjesh, favore politike, kokainë të fshehur dhe armë të lara në ar e stoli./tesheshi.com/
