Banka e fuqishme turke, Halkbank, pritet të zgjerojë investimet jo vetëm në Serbi por edhe në Ballkan.
Kjo është bërë e ditur pas takimeve të kryeministrit turk në Serbi.
“Masa e një vendi nuk matet nga terma gjeografikë. Për ne Serbia është një vend i madh dhe i rëndësishëm”, ka thënë kryeministri Davutoglu në takimin që ka zhvilluar me presidentin serb, Tomislav Nikoliç.
Davutoglu tha se bashkëpunimi ekonomik mes dy vendeve është një prioritet dhe marrëdhëniet e mira do të kenë pasoja të rëndësishme për dy vendet.
Megjithatë, takimi me Nikoliç nuk ka shkuar aq vaj pasi presidenti serb ka kërkuar që Ankaraja të ruajë marrëdhëniet e mira me Rusinë.
Ndërkaq për Kosovën, presidenti serb ka thënë se është e dhimbshme për ne që miqtë tanë të promovojnë pavarësinë e Kosovës. Davutoglu ia ka kthyer: “Kemi gjëra të tjera që mund të biem dakord!”/tesheshi.com/
