Papa Francesku u takua me ish-presidentin kubanez, Fidel Castro, pasi më herët drejtoi meshën në prani të dhjetëra mijë njerëzve në Havana.
Të dy kanë diskutuar problematikën botërore, në atë që Vatikani e cilësoi si një takim informal dhe miqësor.
Përpara takimit, papa Francesku apeloi kubanezët që t’i shërbejnë njëri-tjetrit më shumë sesa ideoologjisë. Kjo është vizita e parë e klerikut të lartë të Vatikanit në ishullin komunist të Kubës, ndërsa më pas ai do të udhëtojë drejt Shteteve të Bashkuara.
Takimi me Kastron është mbajtur larg vëmendjes nga Vatikani. Megjithatë, janë bërë të ditura dhuratat. Papa Francesku i dha ish-presidentit Castro tre libra, përfshirë një libër lutjesh nga një ish-mësues i tij, ndërsa mori një koleksion intervistash “Fidel dhe Besimi”, dhënë për një prift brazilian. /tesheshi.com/
