Një gazetar turk fiksoi skenën nga rrugët e qytetit ukrainas Lviv, aty ku u zhvillua takimi mes Erdogan dhe Zelensky.
“Ukrainasit në Lviv pritën me orë të tëra në rrugë për të parë presidentin Recep Tajjip Erdogan sot. Arrita të regjistroj vetëm një minutë”, shkruan gazetari Haxhi Yakishikli, i cili ishte pjesë e rrethit mediatik të liderit turk.
Sipas Erdogan, lufta ruso-ukrainase ishte tema kryesore e bisedës dhe fokusi ishte tek mundësitë për t’i dhënë fund.
Ai theksoi se Turqia mbështet integritetin territorial dhe sovranitetin e Ukrainës.
“Turqia po punon drejt një përfundimi diplomatik të konfliktit. Ne qëndruam pranë miqve tanë ukrainas dhe vazhdojmë ta bëjmë këtë”, tha Erdogan.
Ai tha se lufta do të përfundojë në tryezën e bisedimeve, duke shtuar se Zelensky dhe Guterres e mbështesin këtë qëndrim.
https://twitter.com/i/status/1560229374263164934
Erdogan tha gjithashtu se Turqia do të vazhdojë të vlerësojë rezultatin e takimeve me presidentin rus Vladimir Putin dhe palën ruse.
Presidenti turk më herët është takuar me Zelensky-n dhe në konferencën për shtyp ka thënë se kanë biseduar për marrëdhëniet në nivel të një partneriteti strategjik që mbulon të gjitha dimensionet, mundësinë e bashkëpunimit dhe solidaritetit të mëtejshëm. /tesheshi.com/
