Janë planifikuar vizitat e kancelares gjermane në Serbi, Kosovë, Greqi, Bullgari dhe Maqedoninë e Veriut.
Kancelari gjerman Olaf Scholz do të bëjë javën e ardhshme një vizitë dyditore në Ballkanin Perëndimor, ku ndalesat e para do të jenë Beogradi dhe Prishtina më 10 qershor.
Një zëdhënës i kancelarit gjerman, Wolfgang Buechner tha se ndër të tjera ishte planifikuar një vizitë në trupat gjermane të KFOR-it në Kosovë.
Më pas, Scholz do të shkojë në Selanik, me ftesë të kryeministrit grek Kyriakos Mitsotakis, ku do t’u bashkohet përfaqësuesve të vendeve të nismës rajonale Procesi i Bashkëpunimit në Evropën Juglindore (SEECP).
Kancelari gjerman do të shkojë më pas në Maqedoninë e Veriut dhe më pas në Bullgari.
Sipas një deklarate nga zyra e kancelares, fokusi i udhëtimit do të jetë perspektiva evropiane e vendeve të Ballkanit Perëndimor, si dhe kontributi i Gjermanisë në përmirësimin e bashkëpunimit rajonal dhe tejkalimin e bllokadave dypalëshe.
Përveç kësaj, shton ai, tema qendrore do të jetë një reagim i mëtejshëm i përbashkët ndaj luftës së agresionit të Rusisë kundër Ukrainës.
Siç thuhet në faqen zyrtare të zyrës së kancelarit gjerman, më shumë detaje rreth programit të udhëtimit do të bëhen të ditura në ditët në vijim.
Siç mund të vërehet, Scholz do ketë një kali vertical në rajon, duke mos “devijuar” në Bosnje apo Shqipëri. /tesheshi.com/
