Në Shqipëri pritet të vijë i katërti Sekretar Shteti për vizitë. I pari qe James Baker, më 22 qershor 1991. Më pas vjen Madeleine Albright, më 19 shkurt 2000, ku mbajti edhe një fjalë në parlamentin shqiptar, Pasuar nga John Kerry, më 14 shkurt 2016. E tani pritet Antony Blinken.
Njeriu që drejton diplomacinë amerikane në një kohë trazuar të ndryshimeve globale, do vijë në Tiranë javën e ardhshme, më 16 shkurt.
Ende nuk ka detajime të arsyes së kësaj vizite në Tiranë të njeriut që po kryen ture diplomatike në kryeqytetet ku vendosen fatet e botës, aty ku ndahet lufta dhe paqja.
Patjetër e një karakteri gjeoolitik, ardhja e Antony Blinken në Tiranë e vendos Shqipërinë në një pozitë tejet përfillëse nga amerikanët sa i përket rolit në rajon.
Nga ana tjetër, kujtojmë se me emrin e Blinkenit lidhet vendimi amerikan për shpalljen e Berishës e familjes së tij si “non grata”. /tesheshi.com/
