Mediat saudite, duke raportuar vizitën në SHBA të Princit të Kurorës, Muhamed bin Selman, i kanë mëshuar si zbardhjes së një tabloje pas shpinës së princit në takim me këshilltarin për Lindjen e Mesme, Jared Kushner, e si zbërthimit të kësaj skene me të gjithë personazhet, në tablo e jashtë saj.
Te tabloja është një imazh i rrallë i ish-mbretit Abdul Aziz, gjyshit të princit bin Selman, në një takim me ish-presidentin amerikan, Roosevelt. Takimi mes tyre ka ndodhur 73 vjet më parë, pra në ‘45-ën, më 14 shkurt të këtij viti, i zhvilluar në anijen amerikane “Quincy” në Kanalin e Suezit.
Roosevelt tha pas takimit me mbretin saudit se ai ishte “një figurë simpatike dhe një negociator i vështirë. Kurrë nuk takova asnjë në jetën time dikë si mbreti i Arabisë Saudite”, mësohet të ketë thënë ish-president amerikan sipas mediave saudite.
E tani, ai takim lidhet me aktualitetin, ku thuhet se nipi ndjek rrugën e gjyshit me vijimin e një tradite partneriteti me SHBA. /tesheshi.com/
