Pas një takimi të delegacioneve të kryesuara nga Erdogan dhe Al Nahyan, u nënshkruan marrëveshje dypalëshe.
Zyrtarët e të dy vendeve nënshkruan marrëveshje në fushën e industrisë së mbrojtjes, shëndetësisë, ndryshimeve klimatike, industrisë, teknologjisë, kulturës, bujqësisë, tregtisë, ekonomisë, çështjeve të tokës, transportit detar, rinisë, menaxhimit të fatkeqësive, meteorologjisë, komunikimit dhe arkivave.
Turqia ka bërë një sërë lëvizjesh muajt e fundit për të ulur tensionet me disa vende arabe, të theksuara nga konflikti në Libi, mosmarrëveshjet në Gjirin Persik dhe mosmarrëveshjet territoriale mbi ujërat e Mesdheut Lindor.
Ankaraja dhe Abu Dhabi kanë qenë në anët e kundërta për vite me rradhë, por këto marrëdhënie tani janë përmirësuar ndjeshëm.
Përpara se të nisej për në Emirate, Erdogan u tha gazetarëve në aeroportin Ataturk të Stambollit se qëllimi ishte të zhvillohej momenti “që ne kapëm me Emiratet e Bashkuara Arabe” dhe “të ndërmerrnin hapat e nevojshëm për t’i kthyer lidhjet në nivelin që meritojnë”.
Ai shtoi se dialogu dhe bashkëpunimi ndërmjet Turqisë dhe Emirateve të Bashkuara Arabe janë të një rëndësie të madhe për paqen dhe stabilitetin në të gjithë rajonin. /tesheshi.com/
