Vizita e Presidentit në ikje të Shteteve të Bashkuara të Amerikës, Barack Obama në Greqi, ka ngritur në këmbë të gjitha forcat e sigurisë. Takimi është parashikuar nesër (të martën) në Athinë më përfaqësuesit më të lartë të shtetit. Sipas mediave vendase, mijëra forca policore dhe agjentë civilë do të jenë në gadishmëri të plotë, gjatë kohës kur kreu i Shtëpisë së Bardhë do të shkelë në tokën helene, pasi janë parashikuar manifestime të shumta.
Obama do të takohet me kryeministrin grek, Aleksis Cipras dhe presidentin e Republikës greke, Prokopis Pavlopoulos. “Masat do të rriten sipas rrethanave që vizita e presidentit amerikan të shkojë në siguri të plotë”, theksoi një burim policor në Greqi.
Mësohet se ky do të jetë udhëtimi i fundit i tij, nën cilësinë e presidentit në Evropë dhe do të zgjasë dy ditë. Pas Greqisë, vizita e zyrtare do të zhvendoset drejt Gjermanisë./tesheshi.com
