Siç dhe kishte paralajmëruar, presidenti amerikan Barack Obama nuk artikuloi asnjë ndjesë të troçtë lidhur me bombëm atomike mbi Hiroshima, por si presidenti i parë amerikan që viziton këtë qytet që pas tragjedisë së vitin 1945, ai zgjodhi një tjetër formë për ta përkujtuar atë që konsiderohet njollë e zezë në historinë amerikane.
“Vizita ime është një dëshmi që tregon se si edhe ngjarjet më të dhimbshme që na ndajnë, mund të kthehen në ura lidhëse”, tha kreu i Shtëpisë së Bardhë, ku më pas i shoqëruar dhe nga kryeministri japonez, Shinzo Abe, kryhen homazhe tek “Parku i Paqes”, duke nderuar të rënët përballë “Flakës së Përjetshme”.
Megjithatë, Obama ka lëshur mesazhin kundër armatimit bërthamor, atij që kur u provua për herë të parë në ’45-ën mbi dy qytete japoneze, shkaktoi një katastrofë njerëzore të pazakontë.
“Është një mundësi për të konfirmuar zotimin tonë drejt paqes dhe sigurisë për një botë ku armët bërthamore nuk do të jenë më të nevojshme”, tha Obama gjatë vizitës në bazën amerikane Iwakuni, 40 km larg Hiroshimës.
Obama vlerësoi më tej partneritetin me japonezët, dikur armiq të betuar, duke thënë se është një ndër më të fortat në botë.
“Kjo vizitë e e imja tregon se si dy kombe, dikur kundërshtarë, jo vetëm që mund të bëhen partnerë, por edhe miq të mirë”, u shpreh presidenti amerikan. /tesheshi.com/
