Ditën e nesërme vjen në Shqipëri Sekretari i Shteteve të Bashkuara të Amerikës, John Kerry. Në kuadër të kësaj vizite zyrtare, Drejtoria Vendore e Policisë Tiranë, ka marrë një sërë masash për sigurimin e rendit dhe të qetësisë si dhe garantimin e sigurisë për zhvillimin e vizitës.
Policia njofton se janë marrë masa në bllokimin e disa segmenteve rrugore kryesore.
Bllokime do të ketë:
- Aksi rrugor nga Aeroporti Rinasit “Nënë Tereza” – mbikalimi i Kasharit
- Aksi rrugor nga Superstrada Vorë – Tiranë, nga mbikalimi i Kasharit – mbikalimi i Kamzës, në të dyja krahët e autostradës, si dhe rrugët dytësore paralel me to.
- Aksi rrugor nga mbikalimi Kamëz – Sheshi “Shqiponja” – Rruga “Dritan Hoxha” – Rruga e “Durrësit” .
- Aksi rrugor Sheshi “Skëndërbej” – Bulevardi “Dëshmorët e Kombit”- Sheshi “Nënë Tereza” , si dhe rrugët lidhëse me to.
- Aksi rrugor nga Rruga “Teodor Keko” – Fabrika e Bukës – Bulevardi “Bajram Curri”, nga ura Teknologjike – Ura e Kualidimit – Ura e Drejtorisë Tiranë – Ura e Dajtit deri te ura e Rrugës së Elbasanit.
- Aksi rrugor Bulevardi Zogu i Parë nga Ministria e Drejtësis deri tek Sheshi Skënderbej.
Gjithashtu zyrtarisht njoftohen të gjithë drejtuesit e mjeteve që do devijohet aksi rrugor i Kamzës deri tek shinat e trenit, si dhe nuk do të lejohen parkimet e mjeteve duke filluar nga Sheshi Shqiponja deri te rruga Elbasanit, përfshirë dhe pjesën prapa Muzeut (Çaplini ose ish estrada).
Sa i takon shërbimit publik, bëhet me dije se linjat që operojnë brenda qytetit, në qendrën e Tiranës dhe linjat e transportit të udhëtarëve ndërqytetëse, kryesisht ato që përdorin rrugët në pjesën veriperëndimore të qytetit të Tiranës, nuk do të lejohet qarkullimi i këtyre mjeteve në këto pjesë të rrugës.
Në rastet e urgjencave apo raste të tjera të emergjencave që kërkohen nga qytetarë, shërbimet e Policisë Rrugore do të bëjnë shoqërimin e mjeteve pranë qendrave më të afërta shëndetësore. /tesheshi.com/
