Dy ngjarje të ndodhura ditën e fundit i kanë dhënë një tallaz të madh elitës politike në vend dhe që duket se do të kenë pasoja edhe muajt në vazhdim.
Bëhet fjalë për izraelitin e arrestuar në Rinas, si dhe takimin e ministrit të Brendshëm, Fatmir Xhafaj me ish-kreun e FBI-së, Louis Freeh, i cili pritet të jetë në Shqipëri konsulenti kryesor i Byrosë Kombëtare të Hetimit.
Ardhja e tij në Tiranë dhe takimi i tij në zyrën e Xhafajt ishte një demosntrim i fuqishëm nga SHBA, e normalisht nga ambasadori Donald Lu, që operacioni i nisur do të vazhdojë.
Po pse është e lidhur me FBI-në kapja e izraelitit Yoram Frig në Rinas?
Kjo sepse Frig është klienti i thuajse të gjithë elitës shqiptare të politikës dhe biznesit për të sifuruar pajisje që nuk lejojnë përgjimin. Izraeliti ka qenë aq shumë i zënë me punë këto kohë sa ka fituar shuma marramendëse nga oligarët shqiptarë, të cilëve u ka hyrë tartakuti se po përgjohen nga FBI-ja.
Dhe lirimi i tij nga prokuroria shqiptare ishet tejet kuptimplotë. Frig kish nisur të fliste më shumë, duke bërë të ditur klientët e mëdhenj që kishte dhe shërbimet ndaj tyre. E paralel me këtë zhvillim, një surprizë ishte dalja publike në zyrën e ministrit të ri të Brendshëm, Fatmir Xhafaj, e një prej personave më të njohur dhe influentë në SHBA dhe mbarë botën, ish-drejtori i FBI-së, Louis Freeh.
57-vjeçari nga New Jersey përfaqëson bashkë me Rudolf Giulianin ikonën e luftës ndaj mafias botërore, e në veçanti ndaj trafikantëve të drogës; lidhjes së tyre me politikën dhe financën e lartë.
Ka qenë shok i ngushtë me Giovani Falcone-n dhe bashkë me zv.prokurorin e atëhershëm të New York-ut, Rudy Giuliani, realizuan operacionin tashmë legjendar dhe të përjetësuar në shumë filma të Hollyëood-it, ku përmendet “Pizza Conections” i vitin 1987.
Pas disa vjet hetimesh, gati në mënyrë sekrete prej autoriteteve të larta të Romës, u arrit të faktoheshin të gjitha lidhjet e Cosa Nostra-s në Sicili dhe New York për trafikimin e heroinës dhe kokainës. U bë njëkohësisht në Palermo i famshmi “Maxi proceso” ku u proceduan njerëzit kryesorë të kubesë dhe kokat e krimit në New York. U arrestua edhe një anëtar i kubesë së Cosa Nostra-s, Gaetano Badalamenti.
Por ajo që është më e rëndësishmja ishte gjetja dhe kapja e miliona dollarëve që u sekuestruan nga bankat më të fuqishme në Zvicër. Këtu u mor dhe vendimi final për dënimin me vdekje të Giovani Falcone-s nga kubeja e mafia-s siçiliane në Corleone dhe New York.
Statuja e Falcone-s është e dyta e vendosur në ndërtesën e FBI-së në Quantico, përveç asaj të Presidentit të tretë të SHBA-së Thomas Jeferson.
Luis Freeh është emëruar nga Presidenti Bill Clinton në krye të FBI-së në vitin 1993, fiks në kohën e luftës së madhe të qeverisë amerikane ndaj superbosëve latinë të narkotrafikut me në krye Pablo Escobarin e Kolumbisë.
Freeh qëndroi në detyrë edhe një kohë të mandatit të George W. Bush.
Më pasi Freeh u emërua si ndihmës nga Prokurori i Përgjithshëm i SHBA, John Ashcroft, që e cilësoi si “zyrtar model të luftës ndaj krimit”.
Pas këtij posti të lartë Freeh ka punuar si konsulent i shumë zyrtarëve në SHBA, kryesisht në luftën ndaj krimit të organizuar, për t’u tërhequr më pas në profesionin e lirë të avokatit, ku është shumë i kërkuar dhe mbulon çështje të natyrës speciale.
Ardhja e ish-kreut të FBI-së në Tiranë në zyrën e Fatmir Xhafës pikërisht një ditë pas nisjes së punës së këtij të fundit në krye të Rendit, është një sinjal shumë i fuqishëm.
Sipas të gjitha gjasave, ai vjen si angazhim i qeverisë amerikane për të ndihmuar luftën ndaj krimit të organizuar në Shqipëri.
Por Freeh nuk vjen për të kapur “kapitenët” narkos shqiptare këtu dhe në vendet e BE, por për “peshqit e mëdhenj” për të cilët flitet shumë e që deri tani nuk është bërë gjë.
Politikisht Freeh është republikan. Përveçse një mik i afërt e zotit Giuliani, ai ka punuar me Guvernatorin e Neë Jersey, Donald DiFrancesco, gjithashtu një figurë e njohur republikane. Ai ndodhet pranë qarqeve të mazhorancës republikane të presidentit Trump, ku Giuliani është një figurë e rëndësishme.
Ardhja e tij në Tiranë është realisht një eveniment i rëndësishëm.
Në operacionet e tij si në “Pizza Conections” por edhe në kohën e FBI-së, Freeh ka hetuar edhe një pjesë të mirë të mafias shqiptare në SHBA që ka vepruar kryesisht e ngushtësisht me Cosa Nostra-n.
Padyshim që vizita e tij në Tiranë pikërisht ka lidhje me qarkullimin, pastrimin dhe përdorimin e parave të mafias në politikë dhe financën e lartë.
Siç edhe u komentua, emërimi i Fatmir Xhafajt, kreu i komisionit të Reformës në Drejtësi si ministër i Brendshëm, po merr mbështetjen e duhur nga SHBA. /tesheshi.com/
