Gruaja në krye të LSI-së, Monika Kryemadhi, u ballafaqua me një situatë të vështirë në studion e Zërit të Amerikës gjatë një interviste aty. Kjo pasi nga gazetarja e VOA-s u njoftua, me një stil tërthorazi për vizën që i është hequr nr.2 pas saj në parti, Petrit Vasilit.
“…sipas burimeve tona, nënkryetarit të partisë tuaj, zotit Petrit Vasili i është refuzuar viza. Mund ta konfirmoni ju këtë gjë?”, ishte pyetja e gazetares, e cila pasoi me përgjigjen e znj.Kryemadhi: “Jo, nuk besoj se i është refuzuar viza zotit Vasili. Po t’i ishte refuzuar viza zotit Vasili… ai ka qenë vjet në Amerikë, por besoj që, në qoftë se ka njeri më pa probleme është zoti Vasili. Megjithatë unë nuk e vë dorën në zjarr as për fëmijët e mi, as për bashkëshortin tim, por ajo që dua të them është që në çdo rast, çdo ndarje e informacionit me ambasadën amerikane dhe me Lëvizjen Socialiste për Integrim ne do të jemi të gatshëm”.
Nga kjo përgjigje, veçon pjesa ku ajo thotë se Megjithatë unë “nuk e vë dorën në zjarr as për fëmijët e mi, as për bashkëshortin tim”.
Realisht, ajo duhet të vërë “dorën në zjarr”, sidomos për njerëzit që konsiderohen si më të afërt në jetën e saj, të pakonkurrushëm madje në afërsi, siç janë bashkëshorti dhe fëmijët.
Kjo, edhe sikur thjesht në aspektin social. Në aspektin politik përbën një “rrëshqitje të rëndë”në arsyetim, pasi shfaqet e mangët në ofrimin e garancisë mbi moralin e familjes bologjike, e më pas dhe politike, pasi pozicioni i saj përballë bashkëshortit-presidente anasjelltaz është edhe politik. /tesheshi.com/
