Me luftën e Sirisë që është zhytur tashmë në vitin e saj të pestë, familjet siriane janë duke u përballur me një zgjedhje absolutisht të pamundur – të qëndrojnë aty dhe të presin bombat dhe artilerinë e rëndë duke rënë nëpër qytetet e Sirisë, apo të braktisin vendin e tyre duke zgjedhin opcionin e dytë, atë të një udhëtimi tejet të rrezikshëm për në Evropë.
Është vështirë të thuhet se cila rrugë është më e sigurtë, kur të dyja shumë lehtë të çojnë deri në vdekje.
Imazhet e fëmijëve sirianw të zënë në mes të këtij konflikti, kanë ilustruar këtë pikë në mënyrë shumë të fuqishme.
Së pari, vitin e kaluar, fotoja e trupit të vdekur të tre-vjeçarit Alan Kurdi, teksa po qëndronte i shtrirë në një plazh të Turqisë, në kulmin e krizës së refugjatëve, e kishte shokuar botën. Kurdi ishte mbytur në përpjekje për të kaluar Mesdheun, në tentativë për t’i ikur luftës në Siri.
Pastaj, këtë javë, një foto dhe video e pesë-vjeçarit Omran Daqneesh duke u tërhequr nga rrënojat e shtëpisë së tij afër Alepos u shpërnda në mënyrë virale. Shtëpia e këtij vogëlushi ishte goditur nga forcat ajrore të presidentit sirian, Bashar al-Assad ose ato të Rusisë, e cila po mbështet regjimin sirian.
Karikaturisti politik Khalid Albaih ka tërhqur një kontrast në mes të dy imazheve në ilustrimin e tij.
“Inspirimi im erdhi nga fakti që unë e konsideroj veten si refugjat”, thotë Albaih, i cili tani jeton në Katar, ndërsa ka lindur në Rumani, gjatë kohës sa babai i tij ka punuar dhe jetuar atje si diplomat sudanez.
Fëmijët e mi janë në të njejtën moshë dhe shumë lehtë ata mund të kenë fatin e këtyre fëmijëve”.
Civilë, përfshirë fëmijë, janë kapur në mes të zjarrit – ata të cilët qëndrojnë në shtëpitë e tyre përballen me bombardime të përditshme dhe sulmet ajrore, dhe ata që përpiqen që të largohen përballen me misionin e rrezikshëm të kërkimit azil në një vend tjetër.
Albaih nuk duket të jetë optimist se situata do të mund të ndryshojë për një kohë të shpejtë.
“Vizatimi im me Alanin u përhap në mënyrë virale, por situata është e ngjashme edhe pas kaq asaj kohe”, thotë Albaih. “Fatkeqësisht, fëmijët janë viktimat më të mëdha të botës së të rriturve”.
/tesheshi.com/
