Kreu i diplomacisë së Prishtinës, Behgjet Pacolli ka mundur që vizat japoneze për shtetasit kosovare, nga Vjena ku lëshoheshin deri më tani, të kalojnë për lëshim në Tiranë.
Siç thuhet në njoftimin Ministrisë së Jashtme të Kosovës, thuhet se u arrit pas një takimi mes dy homologësh, Taro Kono dhe Behgjet Pacolli në Tokio.
“Ky është një lehtësim i konsiderueshëm për shtetasit e Kosovës, duke patur parasysh se deri më tani, vizat për ta jepeshin në Ambasadën e Japonisë në Vjenë. Gjatë takimit të djeshëm pala japoneze premtoi se do ta merrte parasysh kërkesën e shefit të diplomacisë së Kosovës për regjim pa viza, në rast se Bashkimi Europian do t’i heqë vizat për kosovarët në të ardhmen e afërt”, thuhet në njoftimin e MPJ-së së Kosovës.
Pacolli ndodhet në Tokio për një vizitë zyrtare, ku ka ftuar investitorët japonezë që të vijnë në Kosovë, siç ka thënë, në vendin e mundësive dhe lehtësive të mëdha për ndërmarrësit, afër tregut europian prej 500 milionësh. /tesheshi.com/
