Një njohjës i çështjeve diplomatike europiane në Kosovë, Demush Shasha, njëherësh ish-Sekretar në Ministrinë e Integrimit, është shprehur skeptik për mundësinë e liberalizimit të vizave, si për 2018-ën e si për 2019-ën.
Në një intervistë me Ekonomia Online, ai tha se “nuk shohim në këtë moment ndonjë mundësi reale që të merret vendimi pozitiv deri në fund të vitit për liberalizimi i vizave për Kosovën. Pothuajse po hyjmë në ditët finale kohore që të lejohet një vendimmarrje e tillë, do të thotë është realisht e pamundur që Këshilli dhe Parlamenti të dakordohen gjatë ditëve në vijim për vendimmarrje deri në fundvit lidhur me plotësim-ndryshimit të rregullores”.
Duke vijuar arsyetimin e tij bazuar në zhvillimet e pritshme në BE, Shasha vijon duke thënë se “pas këtij viti dhe me hyrjen në vit të ri 2019, gjërat do të komplikohen shumë për shkak të ndryshimit të presidencës në Bashkimin Evropian në këshillin e ministrave të BE-së por edhe për shkak se me fillimin e 2019-ës do të intensifikohen përgatitjet për zgjedhjet parlamentare në BE-së”.
Nga ana tjetër lidershipi qeverisës në Kosovë, shprehet besimplotë se liberalizimi do jetë shumë i shpejtë. /tesheshi.com/
