Një i vdekur e disa të plagosur janë shënuar gjatë natës së ndërrimit të viteve në Kosovë.
Siç është informuar nga Qendra Emergjente në Qendrën Klinike Universitare të Kosovës, viktima i përket një aksidenti, e po ashtu dhe disa të plagosur. Ndërsa të tjerët, janë “viktima” të festimeve me mjete piroteknike.
“Brenda 44 orëve në Qendrën Emergjente kanë kërkuar ndihmë gjithsej më tepër se 22 persona të cilët kanë pasur fatkeqësi në trafik nga të cilët një ka humbur jetën. Gjithashtu, kemi pasur edhe mjaft të lënduar si rezultat i pakujdesisë të përdorimit të mjeteve piroteknike, ku një numër i madh i pacientëve të cilët kanë kërkuar ndihmë kanë qenë me lëndime të ekstremiteteve, disa prej tyre kanë pësuar edhe amputimin apo këputjen e gishtërinjve. Ndërsa, një pacient fatkeqësisht ka humbur syrin”, tha për Kosova Press Avdush Bajgora, specialisti i mjekësisë emergjente. /tesheshi.com/
