Shefi i diplomacisë së Bashkimit Evropian, Josep Borrell, vlerësoi se në vitin 2021, rritja e përshkallëzimeve dhe retorika e ndarjeve në Ballkanin Perëndimor, pengoi vendet e rajonit në afrimin e tyre ndaj të ardhmes evropiane.
Si shembull të veçantë të një situate të tillë, Borrell përmendi zhvillimet në Bosnje.
Në blogun e tij të Vitit të Ri mbi zhvillimet më të rëndësishme në 2021 në fushën e politikës së jashtme dhe të mbrojtjes të BE-së, Borrell e përshkroi vitin si “vitin e tranzicionit” në të cilin BE-ja punoi për të ruajtur interesat dhe vlerat e saj dhe për të forcuar botën.
“Kjo punë duhet të vazhdojë edhe në vitin 2022”, thekson Borrell.
Duke folur për fqinjësinë e afërt të BE-së, Borrell u fokusua kryesisht në Ukrainë, Moldavi dhe Bjellorusi, ku Unioni, tha ai, u përball me “shembuj të qartë të politikës së pushtetit” dhe sulmeve hibride.
“Ndërsa sulmet hibride përhapen, ne duhet të vazhdojmë të mbështesim Ukrainën dhe Moldavinë në rezistencën ndaj Rusisë dhe të mbajmë një qasje të pamëshirshme ndaj Bjellorusisë,” shkroi Borrell.
Borell theksoi se në vitin 2021, pati një rifillim të marrëdhënieve BE-SHBA nën Presidentin Joe Biden, gjë që u reflektua në bashkëpunimin e ngushtë në luftën kundër ndryshimeve klimatike, negociatat bërthamore të Iranit, taksimin e korporatave, por edhe në marrëdhëniet me Kinën dhe Indo – Paqësorin.
Shefi i diplomacisë së BE-së vlerëson se Unioni, kur bëhet fjalë për Kinën, ka mbajtur një qëndrim të unifikuar në njohjen e këtij vendi si “partner, konkurrent dhe rival”. /tesheshi.com/
