Zv.presidenti amerikan, Joe Biden, i cili mbërrin sot në orët e mbrëmjes për vizitë në Kosovë nuk pritet të takoi zyrtarët e partive opozitare.
Por, kjo aspak nuk është pengesë për partinë e parë opozitare kosovare, Lëvizjen Vetëvendosje. Kreu i kësaj lëvizje, Visar Ymeri, përmes një shkrimi në Facebook ka deklaruar se nuk është problemi se kë e takon e kë jo diplomati amerikan, por mesazhi që do do të duhej ta jap ai, për krerët e shtetit.
“Shpresojmë që ky takim i zëvendëspresidentit amerikan Biden me këta kriminel kosovarë në kostum presidencial e qeveritar do të jetë ndryshe prej të tjerëve. Z.Biden po vjen midis epizodave të aferës ‘Pronto 2’ për t’u takuar me disa prej protagonistëve kryesorë të mafias në Kosovë. Nuk është problemi se kë po e takon e kë nuk po e takon z.Biden.
Është e padrejtë dhe e dëmshme nëse z.Biden nuk e thotë të vërtetën për këta producentë e regjisorë të krimit e korrupsionit në Kosovë. Sepse, para së gjithash, janë fëmijët e uritur e të pashkollë, rinia e gratë e papuna, dhe pleqtë në mjerim që po vuajnë nga seriali ‘Pronto 2’”, ka shkruar Ymeri.
/tesheshi.com/
