Ndërsa situata politike në Kosovë ka hyrë në fazën kritike, partitë opozitare janë duke bërë përgatitje të fuqishme për ta kundërshtuar ratifikimin e Demarkacionit me Malin e Zi.
Kreu i Lëvizjes Vetëvendosje, Visar Ymeri, gjatë një konference me gazetarë që mbajti sot në selinë e lëvizjes, paralajmëroi masat që do t’i merr VV për të kundërshtuar këtë projektligj, ndërsa ka fyer rëndë edhe kryeministrin Mustafa.
Ymeri e quajti kryeministrin Mustafa “krye-derr” kur po fliste për demarkacionin.
“Çështja e demarkacionit është një nga çështjet më të delegjitimuara në publik. Me dokumente është dëshmuar se Kosova humb territor.
Isa Mustafa ka treguar se fare nuk e çan kokën për debat, pasi ai ende pa përfunduar debati i 3 gushtit ai thirri mbledhjen e qeverisë.
Do të organizojmë protesta dhe kundërshtime për këtë marrëveshje. Kam kontaktuar me Ramush Haradinajn dhe Fatmir Limajn pas riaktualizmit të çështjes së demarkacionit për të kundërshtuar, por nuk ka pasur takim”, deklaroi Ymeri.
/tesheshi.com/
